சுஷி... (sushi) ஜப்பானியர்களை சப்பு கொட்ட வைக்கும் உணவு இது. பிளேட் வழியும் அளவுக்கு சாதம் வைத்து சகல கூட்டுப் பொரியல், குழம்பு வகைகளுடன் உட்கொள்ளும் நம்மூர் உணவைப் போன்றது அல்ல இது. முழுக்க முழுக்க ஆரோக்கியத்திற்கே முன்னுரிமை தரப்படும் ஸ்பெஷல் உணவுதான் இந்த சுஷி.
பொதுவாக ஜப்பானியர்கள் காய்கறிகள், இறைச்சி, மீன், கடல் பாசிகள் ஆகியவற்றை சம அளவில் உட்கொள்கிறார்கள். இதுதான் அவர்களது நீடித்த உடல் ஆரோக்கியத்திற்கும், நீண்ட ஆயுளுக்கும் காரணம். சுஷியும் இந்த ஆரோக்கிய வகையைச் சேர்ந்ததுதான்.
வினிகர் இட்டு சமைக்கப்பட்ட அரிசி சாதத்துடன் கடல் உணவு, இறைச்சி, காய்கறி, முட்டை ஆகியவை சேர்த்து உருளைகளாகவோ, வட்டமாகவோ தயாரி க்கப்படுகிறது சுஷி. அரிசி சாதத்துடன் சேர்க்கப்படும் இதர பொருட்கள் சமைக்கப்பட்டோ அல்லது சமைக்கப்படாமல் பச்சையாகவோ பரிமாறப்படும். பாரம்பரிய முறைப்படி தயாரிக்கப்படும் சுஷி, பதப்படுத்தப்பட்ட மீன் மற்றும் புளிக்க வைக்கப்பட்ட அரிசி சாதம் கொண்டு செய்யப்படுகிறது.
சுஷி என்றால் புளிப்பு அல்லது கரிப்புச் சுவை என்று பொருள். புளித்த அரிசி சாதத்தில் இருந்து பெறப்படும் வினிகர், பதப்படுத்தப்பட்ட மீனில் அமினோ அமிலங்களைச் சுரக்கச் செய்கிறது. இந்த சுரப்பு காரணமாக, உமாமி என்ற மிக முக்கியமான சுவை அந்த உணவுக்கு கிடைக்கிறது.
சுஷி தயாரிக்கப் பயன்படுத்தப்படும் அரிசியின் தேர்வில் தனிக் கவனம் செலுத்துகிறார்கள் ஜப்பானியர்கள். அந்த அரிசியானது புதிதாக அறுவடை செய்யப்பட்டதாக இருக்க வேண்டும். அதன் பிசுபிசுப்பு தன்மைதான் சுஷியின் கூடுதல் அல்லது குறைவான சுவைக்குக் காரணமாக அமைகிறது. இந்தியா போன்ற கீழை நாடுகளில் பயன்படுத்தப்படும் அரிசியைப் போல நீளமான அரிசி வகையாக இல்லாமல் தட்டையான மற்றும் குட்டையான அரிசியே சுஷி செய்ய பயன்படுத்தப்படுகிறது.
இனிப்பு மற்றும் உவர்ப்பு - இவற்றில் விரும்பும் சுவையை கூட்டியோ குறைத்தோ பல வழிமுறைகளில் சுஷி செய்யப்படுகிறது. அந்த உணவானது நோரி எனப்படும் மெல்லிய கடல்பாசி தாள்களினால் சுருட்டப்படுகிறது. இந்தக் கடல் பாசி தாள்கள் பளபளப்பான, மெல்லிய, கரும் பச்சை வண்ணம் கெ £ண்டவை. இவ்வாறு மேல் சுருட்டாக மட்டும் அல்லாமல், தனியாக உண்ணப்படும் ஒரு தின்பண்டமாகவும் ஜப்பானில் நோரி பயன்படுகிறது. கடலில் வளர்க்கப்படும் பாசியைச் சுரண்டி, வெய்யிலில் காய வைத்து, மெல்லிய ஷீட்களாக விரித்து நோரி தயரிக்கப்படுகிறது. சுஷியில் நிரப்ப பயன்படும் பொருட்களில் பெரும்பாலும் சமைக்கப்படாத மீன் உபயோகிக்கப்படுகிறது. சுவை, சுகாதாரம் கருதியும், வாடிக்கையாளர்களின் ப £ர்வைக்கு அழகாக இருப்பதற்காகவும் இந்த பச்சையான மீனானது உறை நிலையில் வைக்கப்பட்டு பின்பு உபயோகிக்கப்படுகிறது.
பாரம்பரிய முறையில் சுஷி தயாரிக்கும் சமையல் கலைஞர்கள் உறைந்த மீனைப் பார்த்தே அதன் சுவை, தரம், தன்மை ஆகியவற்றை தீர்மானித்துவிடும் திறன் பெற்றிருப்பார்கள். சாலமன், டுனா, ஜப்பனீஸ் யெல்லோ டெய்ல் ஆகிய மீன்கள் சுஷி தயாரிப்பில் அதிகம் பயன்படுகின்றன. நல்ல கொழுப்பு மிகுந்த இந்த மீன்களின் சுவை சுஷியின் தரத்தையும், -சுவையையும் மேலும் அதிகரிக்கிறது.
ஈல் மீன், நண்டு, இறால், கணவாய், நத்தை ஆகியவையும் சுஷியில் பயன்படுத்தப்படுகின்றன. முட்டை, முள்ளங்கி, பதப்படுத்தப்பட்ட காய்கறிகள், வெள்ளரி போன்றவையும் சுவைக்கேற்ப அதில் கூடுதலாக சேர்க்கப்படுகிறது. சோயா சாஸ், தேநீர், புளிக்க வைக்கப்பட்ட இஞ்சி ஆகியவற்றுடன் சேர்த்து சுஷி உண்ணப்படுகிறது.
தயாரிப்பு முறை, சுருட்ட பயன்படுத்தப்படும் பொருட்கள் மற்றும் சேர்க்கப்படும் பிற உணவு பொருட்களால் சுஷி பல்வேறு வகைகளில் கிடைக்கிறது. அவற்றில் முக்கியமானவை மகி சுஷி, நிகிரி சுஷி, குண்கண் மகிசுஷி.
மகி சுஷியானது, கடல் பாசியான நோரியில் சுருட்டப்பட்ட அரிசி சாதம் மற்றும் பிற சேர்ப்பு பொருட்களை கொண்டு உருளை வடிவில் இருக்கும்.
நிகிரி சுஷியானது, நீள் கூம்பு வடிவில் தயாரிக்கப்படும்.
குண்கன் மகிசுஷியானது, நோரியால் மேல் மூடி செய்யப்பட்டு, அடியில் அரிசி சாதமும், மேலே மீன், முட்டையும் இட்டு தயாரிக்கப்படுகிறது.
மிகுந்த புரதமும், வைட்டமின்களும், குறைவான கொழுப்புமாக சுஷி ஒரு சரிவிகித ஆரோக்கியமான உணவாக திகழ்கிறது. ஆனால், சில வேளைகளில் பச்சையாக உபயோகிக்கப்படும் மீன் மற்றும் கடல் உயிரினங்களில் நுண்ணுயிரிகள் வசிக்க வாய்ப்புள்ளதால் சரியான உறைநிலையில் இதை வைத்திருந்து உண்பது அவசியம்.
நேக்டு சுஷி
இப்படி ரொம்பவே மெனக்கெட்டு தயார் செய்யப்படும் சுஷியை அலங்காரமாக பரிமாறுவது ஜப்பானில் ஸ்பெஷல்! இதற்காக அதை பரிமாறுபவர்களுக்கு சிறப்பு பயிற்சியும் அளிக்கிறார்கள். அந்த வகையில் ஒன்றுதான், அழகான இளம்பெண்களை உணவு உண்ணும் தட்டாக பயன்படுத்துவது.
அது எப்படி ஒரு பெண் தட்டாக மாற முடியும்?
முடியும் என்று நிரூபித்துக் காட்டியிருக்கிறார்கள் ஜப்பானியர்கள். அதாவது, நீண்ட மேஜையின் மீது ஜட்டியும், பிராவும் மட்டும் அணிந்த அழகான இளம்பெண் படுத்துக்கொள்வார். மல்லாக்க படுத்திருக்கும் அவர், தனது கைகளையும், கால்களையும் சற்று அகலமாக விரித்து வைத்துக்கொள்வார். அவரது உடலில் தலை தவிர்த்து அனைத்துப் பகுதியிலும் சுஷி உணவை வரிசையாக அடுக்கி அலங்காரம் செய்வார்கள். அலங்காரம் முடிந்ததும், அந்த டேபிளை ஆர்டர் செய்தவர்கள் குழுவாக வருவார்கள். அவர்களிடம் சாப்ஸ்டிக் என்று கூறப்படும் இரண்டு குச்சிகள் தரப்படும். அவர்கள், படுக்க வைக்கப்பட்ட பெண் மீது வைக்கப்பட்டுள்ள சுஷி உணவு வகைகளை குச்சியைக் கொண்டு எடுத்துச் சாப்பிட வேண்டும்.
இவற்றை எல்லாம் சந்திக்க வேண்டியது இருக்கும் என்பதாலேயே நேக்டு சுஷி உணவு பார்ட்டியில் ப்ளேட் ஆக பயன்படுத்தப்படும் இளம் பெண்களுக்கு பயிற்சிகள் அளிக்கப்படுகின்றன. கணிசமான பணம் சம்பளமாக நாள்தோறும் கிடைப்பதால், இப்பணிக்கு அந்த பெண்கள் விரும்பியே வருகின்றனர். ப £ர்ட்டிக்கு வருபவர்கள் கொடுக்கும் சில்மிஷங்களையும் சமாளித்துக் கொள்கிறார்கள்.
நேக்டு சுஷி பார்ட்டியில் ப்ளேட் ஆக இருக்கும் பெண்ணுக்கு என்று சில தகுதிகள் வரையறுக்கப்பட்டுள்ளன. அதில் முக்கியமாக, அந்தப் பெண், விருந்து நடைபெறும் இடத்தில் மேஜையின் மீது ஒரு மணி நேரத்திற்கும் மேல் நிர்வாண கோலத்தில் உடலை அசைக்காமல் இருக்கும் தகுதி உள்ளவராக இருக்க வேண்டும். அடுத்ததாக குளிர்ந்த உணவை நீண்ட நேரம் உடலில் தாங்கும் சக்தியும் பெற்றிருக்க வேண்டும். எல்லாவற்றையும்விட முக்கியமாக, இந்த சேவை க்கு அவள் மனரீதியாக தயாராக வேண்டும். அதாவது, விருந்தில் அவள் கோபமாகவோ, டென்ஷனாகவோ, சோகமாகவோ காணப்பட்டால் விருந்துக்கு வ ந்தவர்கள் வெளியேறி விடுவார்கள். அதனால், விருந்துக்கு வந்தவர்கள் உணவை எடுக்கும் சாக்கில் தனது உடலை தொட்டாலோ, முத்தம் கொடுத்தாலோ கூட சிரிக்க மட்டுமே செய்ய வேண்டும்.
இந்த சேவைக்கு முன்பாக ஸ்பெஷல் நறுமணம் கொண்ட சோப்பை உடலின் அனைத்து பகுதியிலும் தேய்த்து குளித்து அந்த பெண் சுத்தமாக டைனிங் டேபிளுக்கு வர வேண்டும்.
சுஷி உணவை நிர்வாணக் கோலத்தில் படுத்துள்ள அழகான இளம்பெண்ணின் உடலில் இருந்து எடுத்து சாப்பிடும் விருந்துக்கு அதிக அளவில் கட்டணம் வசூல் செய்கிறார்கள். அதனால், கோடீஸ்வரர்கள் மத்தியிலேயே இந்த விருந்து பிரபலமாக இருந்து வருகிறது. உலகின் பல பகுதிகளில் இருந்தும் ஜப்பான் செல்லும் கோடீஸ்வர தொழிலதிபர்கள், கண்டிப்பாக நேக்டு சுஷி பார்ட்டியில் கலந்து கொள்கிறார்கள். ஆண்கள் மட்டுமின்றி பெண்களும் இந்த விருந்தில் கலந்து கொள்கிறார்கள்.
நேக்டு சுஷி பார்ட்டிக்கு அழகான இளம் பெண்களை மட்டுமின்றி, அழகான ஆணழகன்களையும் பயன்படுத்துகிறார்கள். இது மிக மிக குறைவு. பெண் வ £டிக்கையாளர்கள் கேட்டால் மாத்திரம் ஆண்களை பயன்படுத்துகிறார்கள்.
ஜப்பானில் உள்ள நட்சத்திர ஹோட்டல்களில் மட்டுமே இந்த கிளுகிளுப்பான உணவு விருந்து நடக்கிறது. பல நாடுகளில் இந்த விருந்துக்கு தடை விதி க்கப்பட்டுள்ள அதேநேரத்தில், மேலும் சில நாடுகளில் அரசு அனுமதியுடன் இந்த விருந்துகள் கொண்டாடப்படுகின்றன. அரசியல்வாதிகள், பிரபலங்கள் தங்களது மகிழ்ச்சியை வெளிப்படுத்தும் விழாக்கள் நடத்தும்போது இத்தகைய விருந்துக்கும் ஏற்பாடு செய்து வாழ்க்கையை முழுமையாக அனுபவிக்கிறார்கள்.
ஆபாசத்தை தூண்டுவதாக இந்த விருந்து உள்ளது என்று ஒரு தரப்பில் எதிர்ப்பு குரல் ஒலித்தாலும், சுஷி உணவு விருந்தில் பங்கேற்கும் அனைவரின், குறிப்பாக நிர்வாண கோலத்தில் படுத்திருக்கும் இளம்பெண்ணின் விருப்பத்துடனேயே இந்த விருந்து நடைபெறுவதால் இதற்கு எதிர்ப்பு தெரிவிக்க வேண்டிய அவசியம் இல்லை என்று ஆதரவுக் குரல் கொடுப்போரும் இருக்கிறார்கள்.
நீங்கள் எப்படி?
.jpg)
